Skip to content

高鐵西九總站的七宗罪

十月 17, 2009

政府聲稱全球大城市的高速鐵略均直達市中心,所以西九總站是最佳選擇。這說法本身不符事實,國內接駁高鐵網络的十六個大城市中,有十個城市的選址均遠離市中心區,證明了選址決策必須顧及當地實際條件。由於香港過去市區規劃造成的局限,西九總站有「七宗罪」,使「直達市區」變成得不償失。

第一宗罪:造價高昂

正由於西九站位於市區,必須從港深邊界興建26公里長的隧道直穿而入,為車站挖出450萬立方米的泥土,又由於須在地底施工,不能分期興建,車站容積相當於建造30個旺角地鐵站。即使運輸局放風,準備用「創意會計」手法把部份工程款項剔除,聲稱整個項目造價從395億元「只」上升至500億元,但即使真的如此,也已經是目前全球每公里造價最貴的英法海底隧道高鐵的三倍,足以令香港取得「全球最貴鐵路」的健力士紀錄。

第二宗罪:接駁困難
目前西九已經有兩個車站:服務東涌線和機場快線的九龍站,及西鐵線的柯士甸站。由於過去地鐵和九鐵兩家公司互不咬弦,兩個車站相距大半公里,西九站夾在兩者之間,猶如孤島,無法興建相連的大堂。所以由西九站往九龍站轉車,須往上行達11層樓之深,再走約半公里之遥,穿過「圓方」商場,再往下9層樓才抵達月台,常人須用上12分鐘,究竟這種設計是「吸客」還是「趕客」?

第三宗罪:路面擠塞
目前西九區內柯士甸道至廣東道的路口,在繁忙時間已經非常擠塞。這個死结早在交通模型中預計,但因為當年停止在海運大厦對開填海,梳利士巴利道無法接通到西九,所以九龍站一帶道路變成死角。即使將來多加一些沉降式路段,仍難免有經常大塞車的風險。政府預計使用西九站的人流中有一半利用路面交通,即是額外增加每天5萬人出入,再加上西九文化區的車流,使西九站猶如銅鑼灣時代廣場的翻版:一次錯誤規劃,便足以使油尖區的交通萬劫不復,而在六年施工期內的交通改道,也足以令全區商、住户叫苦連天。

第四宗罪:受惠人少
政府估計,使用西九站的旅客只有百份之五會步行至目的地,等於宣佈每天9萬多旅客都要大費周章,轉乘其他列車或汽車,才能扺達目的地。公共專業聯盟提出的「貫通南北方案」*,指出西九站只能使約四十萬港人受惠,但如將高鐵總站設於錦上路,再新建一條港島快線從錦上路接駁青衣站出市區,卻可以讓全港四百多萬人更快抵達目的地,包括前往赤臘角機場、新界大部份地區、中環和港島的所有旅客和市民。

第五宗罪:浪費土地

由於從邊界到市區均須全線使用隧道,為安全起見,政府必須在中途設置露天救援站,因此需要徵用石崗菜園村二十多公頃的土地。菜園村村民為此失去家園和耕地,卻連一個方便新界居民使用的車站也沒有著落。這等於用兩倍土地,只換來一個市區車站。對寸金尺土的香港來說,極度浪費資源。

第六宗罪: 效率奇低

長途列車到站後必須清潔整理,但由於西九站面積狹小,列車須空車駛往石崗的停放處,清理後再空車跑16公里回到西九站載客。這種安排既霸佔了車軌容量,更浪費能源。效率降低的結果是營運成本增加,要不提高票價,要不由政府補貼,對乘客和納稅人都沒有好處。按照北京交通大學趙堅教授的分析,政府須向京津線高鐵的每程乘客補貼二十至三十元,才能維持營運。即使香港高鐵財務情况不比京津線更差,政府仍須每年補貼十億元。

第七宗罪:妨礙西九

西九站地底的路軌須往南延伸,佔用了西九文化區內四公頃的土地。由於這片土地是西九文化區從尖沙咀的入口,車站施工時不但使文化區的「大門」位置在六年內無法建設,更使建築設計受到極大的制肘。市民希望早日享用西九文化區的願望又再落空。

* 註:「貫通南北方案」詳情可參閱公共專業聯盟網址 http://www.procommons.org.hk

廣告
5 則迴響 leave one →
  1. MR CHAN permalink
    十月 19, 2009 12:14 下午

    絕對同意!就算在錦上路建臨時高鐵站看看,其他的通車再打算吧。盡快時間有高鐵用,現在的香港政府官員能力,不談錢是否會超支,2015年也不能依期完成。臨時站的開支比其他損失更化算。

  2. him permalink
    十月 20, 2009 8:55 上午

    住新界會唔會出黎九龍搭車上大陸丫
    而家深圳去廣州東都係 10-15 分鐘一班車
    1 小時零幾分鐘就到
    75 蚊 人仔
    仲係去乜野石壁, 我以為大魚生添
    起得 600 億, 你收我幾錢一張飛丫
    幾耐一班車丫

  3. 十月 27, 2009 6:32 下午

    最近好似好多人反對高鐵 ,詳細黎講既話就係班垃圾會垃圾、政棍、所謂既專業人士、為反而反既鐵路膠、被政棍洗腦既市民等等,反對原因都不離以下呢幾點:
    1. 造價太貴啦
    如果成本貴就唔洗做,呢個世界既好多野都唔洗起。就以香港有既例子──玫瑰園計劃同前地鐵系統黎講,兩個一開始倡議到規劃直至落實興建既時候都比人鬥係大 白象,但係環看今日呢兩個例子發展成點?前者雖然仲未賺過錢,但係香港國際機場已經擠身 Top Five 世界級機場之一,帶黎既economic efficiency有幾多呢?如果依家仲用緊啟德機場,我諗香港既空運、物流業已經早死左好多年。至於後者,依家已經發展成為世界級屈指可數有錢賺既鐵 路公司,雖然話一路以黎地鐵甚至係依家既港鐵都係靠地產作為 mainprofit,但係港鐵既物業管理都係享有名聲架喎。成日見到人鬧港鐵點點點,不如諗下港鐵作為一間罕見會賺錢既鐵路公司,居然係係香港,而且服 務已經係一流,知足常樂啦。都係劉德華呢一句說話惹事:「咁既服務態度係唔夠架,咁先至岩!睇下!」
    2. 起黎晒鬼氣,都無人搭
    唔該唔好因為個人既人際關係圈子入面無人搭,又或者好少人搭而得出一個荒誕既結論:無人搭。高鐵本身面向既主要客群係一班商務客同旅客,就算係日本東海道 新幹線平時都係一堆上班族搭架啦。再詳細地講,香港係精專於商貿活動方面既,例如 accountant、sales同埋 marketing,同時擁有完善既法治同稅務制度。而內地就專精於工廠生產,擁有 low productioncost。用全球化既角度黎睇,可以算係 division of productionprocess,將零售上既野交由香港做,生產既野由大陸做。咁樣的話,想係大陸設廠既商家就可以選擇係香港設立分部,一來可以享受 香港本身有既商貿上既優勢,二來如果要派員工出差,如果工廠設係離高鐵鐵路覆蓋城市既地方,就可以乘搭高鐵快速來往工廠同香港既總部。如果無高鐵既話,我 諗佢地寧願將佢地既分部搬埋上大陸算,至少交通比香港方便,要贏人就要有比人多既優勢啊。
    3. 都回唔到本
    世界上有咩鐵路係可以回到本既呢?屈指可數。鐵路呢類基建起黎本身就唔係為左賺錢,而係帶動經濟發展。睇下上海呢幾年都係靠不斷起基建黎拉高GDP。高鐵 造價 700 億左右,政府估計帶黎既經濟效益至少有 800 億,呢條數已經襟計啦,只要每年維持到 GDP一定既增長,高鐵就已經算非直接地回本。而且高鐵可以長期貢獻到經濟效益,拎晒高鐵既錢去派糖比班基層,可以對香港既經濟有咩持續貢獻呢?投資者都 知,如果想穩穩陣陣,寧願投資有長遠利潤既公司,總好過短炒只有曇花一現既利潤,結果最後蝕手離場吧?目前投資落班基層市民根本無用,至少我寧願政府完成 保障基層市民既政策之後先好講啦。有關於保障基層市民既政策,容後再談。
    4. 起係西九龍分明官商勾結
    起係西九龍官商勾結,咁各大好鐘意做 Show既政黨所提出既錦上路方案都唔好得去邊,西九龍週邊範圍,除左得左右兩邊係港鐵地頭之外,絕大部份都係政府官地。但係錦上路呢?不知有幾多地產商 係錦田一帶有地,而且新界土皇帝發叔統領著既一班子民都廣佈錦田,老實講總站起係錦上路起比西九龍,官商勾結既嫌疑都大好多喎。到底錦上路方案係咪一場 Show,就見仁見智啦。
    5. 錦上路方案平,而且可以方便新界人添
    錦上路目前並沒任何公路直接連接,而且收地都收死你。除此之外,論鐵路轉乘配套,西九龍比錦上路好好多:(在此假設北港島線已興建)東九龍,去鑽石山轉東 西線;將軍澳,去北角轉東涌線;土瓜灣、何文田、紅磡一帶,車都唔洗轉;油尖旺,尖東轉東西線;荃灣、葵涌,荔景轉東涌線‥‥‥錦上路呢?除左東西線沿線地點之外,好多地區都要轉多程車,市區去錦上路相比起去西九龍都多左好多。而且不見得有幾方便新界人,新界東人無論北區、大埔區定沙田區都要兜個大圈先去到錦上路。換言之,方便既咪只得大西北人?咁不如起係西九龍仲好,受惠市民更多。而且錦上路方案相對西九龍站黎講,係做唔到無縫連接機場快線呢點。西九龍站拖住行李去九龍站就可以預辦登機啦!
    6. 菜園村要遷拆好擾民
    話說大部份菜園村既地都係官地,至於點解唔洗交租都用得,係因為港英政府時代,港督落過行使過酌情權,話呢班非法使用官地既人可以繼續使用官地,但政府需 要使用時需要無條件交還。堅決不遷不拆?如果港府搬返有關呢個酌情權相關既紀錄出黎,咪盞部份人自已囉黎樣衰?唔屬於自已既野,依家可以獲得賠償,唔該知 足常樂啦。至於私人地,我諗政府已經賠足,依家嘈既只係個政棍組成既菜園村關注組,用埋一大堆無 Point 既理由黎反對,真係笑大人個口。
    7. 西九龍站轉乘港鐵好麻煩
    最近有學者話做測試,由九龍站月台行到西九龍站地盤要 12 分鐘。其實佢地有無睇過西九龍站個設計?九龍站、西九龍站同柯士甸站之間都有地底隧道連接,而且按香港站既設計作先例黎講,港鐵係一定會起自動行人輸送帶。有冷氣有輸送帶都叫麻煩,真係咪話你唔奄尖。
    8. 起係新界都得,點解要起係西九龍
    如果你明白高鐵係以一條城際功能為主既高速鐵路(香港段按大陸標準黎講係快速鐵路),咁你都應該知道城際路線係連接城與城之間既中心。香港並無明確指定邊 度係市中心,但係經濟學上角度黎講,香港既中心商業圈 (CBD, Central Business District) 就係中環、灣仔一帶乃至尖沙咀 (不過尖沙咀無甲級寫字樓,CBD地位仍然受爭議),因此同時可視 CBD 地區一帶為香港既市中心。既然 CBD呢一帶係市中心,高鐵車站起係市中心附近係理所當然。錦上路呢?錦上路係一個名副其實既郊區,無錯,係郊區。最好笑既係某一班垃圾會議員一邊鬧高鐵 新廣洲站起係遠離廣洲現時市中心既番禺(但事實上廣洲市政府係有意發展番禺成為廣洲既新市中心,註1),一邊叫政府將香港既高鐵站起係遠離市中心既地方, 會唔會太自相矛盾呢?
    9. 高鐵只去到廣洲,起黎把鬼
    講得出呢句野既人已經顯示佢係講野完全唔經大腦。當你對一件事物並唔係完全清楚既時候,隨意作出評論係一件愚蠢既事。廣深港高速鐵路係新廣洲站接駁武廣客 運專線同貴廣客運專線。同時係深圳北站都會接駁東南沿海客運專線,完全地同全國既高鐵網絡接通。西九龍站每日都會開出同各大城市(例如北京、上海、成都 等) 對開既列車。
    總結
    簡單點黎講,太多香港人比班所謂既專業、保育人士同政棍做出黎既 Show 所欺騙。其實只要細心一看再加以研究,就好容易發現到推翻佢地既所謂反對理由既証據。
    不過香港段乃至全條鐵路既命名都有問題,如果香港段命名為《廣深港客運專線香港段》,至少唔會比人 Jer 住 200km/h 唔可以計入高速鐵路呢點黎打。
    Appendix I: 公共專業聯盟
    當中反對高鐵既有一個叫做公共專業聯盟既組織,呢個組織真係好惹人質疑佢地既專業性。佢地所提既高鐵方案估計造價非常離奇地低,方案中既港島快線係可行性 同班次上亦都好有問題。而且自稱專業,但係一幅簡簡單單既圖則都無,好難唔令人懷疑呢個係咪又一個齋 Up 唔識做既組織啦。

  4. 十月 27, 2009 6:32 下午

    講開利益團體拿著數,請睇我昨晚一篇文:
    a. 黎廣德話「貫通南北方案」造價只需二百五十億元,包括以四十億元收地,七十億元興建港島快線,及一百四十億元興建高鐵路段,遠較政府方案所需的約六百億元低,並可望在二○一五年竣工。而且毋須因興建高鐵而收回石崗菜園村的土地,只要徵收錦田及八鄉部分主要為豬場及停車場的土地擴建車廠。(星島) 七十億元興建港島快線 唔知佢點計出嚟:
    1.請參考三號幹線郊野公園段,唔計隧道,其他係地面公路,如果按專業聯盟建議出隧道後行高架高速重鐵,造價一定高過72.5億, 更加唔好忘計,呢個係1990年代造價!

    總長度

    10.1 公里,由南面汀九至北面元朗凹頭,包括:

    大欖隧道

    行車線

    6線(雙管各3線行車)

    隧道長度

    3.8公里(北端出口通往青朗公路,南端出口連接汀九橋)

    青朗公路

    行車線

    6線(雙向3線行車)

    長度

    6.3公里(北端通往凹頭新界環迴公路,南端連接大欖隧道之北面出口)

    每線路面闊度

    3.65 米

    路肩闊度

    3.3米

    工程總成本

    港幣72.5億元

    收費通道

    共22條,6條為自動繳費通道

    通車日期

    1998年5月25日

    2.由青衣駁線過荃灣汀九,以前淨係條汀九橋17.4億(90年代),仲未計由北岸公路入青衣山開隧道嘅錢,青衣站改嘢呢d細數就唔計佢喇…
    人事編制小組委員會– 文件– 98年9月16日
    汀九橋合約(合約HY/93/38)是工程計劃的主要合約,在 1994年8月23日 批予汀九聯營建築公司,合約總值17億4000萬元,竣工日期訂為 1997年6 月23 日。

    b. 大家有冇諗過香港高鐵起唔成,邊d人最高興。除咗依家反對嘅人,最得益嘅係深圳。因為深圳將會係全國南下高鐵嘅總站。所有打算去香港嘅人,都係係度轉車,當中只要有少部分停低吃飯、消遣、住宿,深圳都好發。但如果香港有高鐵,相信南下內地人唔會無端端係作中途站嘅深圳停留. 所以唔好淨叫口號話咩政治/面子工程啦, 一來根本香港唔起對大陸一d負面影響都冇, 人哋就來起完啦, 二來阿曾亂咁駛錢,阿爺會仲俾面子佢咩?

    c. 大家有冇諗過,錦田設站最益邊個?
    新地逾百億發展錦田下高埔村申建550伙主打洋房大單位
    【明報專訊】「元朗大地主」新地(0016)繼續擴大於元朗的版圖,繼斥資百億發展YOHO Town後,發展焦點移至錦田。新地剛補價逾25億元、每呎樓面補價逾2800元的下高埔村 …

    大公網
    此外,同系(呢度係指長實)的元朗錦田近錦田河的低密度發展,向城規會申請擬建70幢3層高別墅, … 轉趨積極,但其實除勾地外,發展商可透過其他途徑取得土儲,如補地價及轉換農地用途 ..

    另外,大家去中原地圖睇下,六本木、四季名園,全在錦田站直線方圓 800米以內。

    如果話起係西九係益豪宅,咁錦田呢?發展商新界大量土地,部分更加係假設冇高鐵情況下補咗地價,錦田起站,益咗邊個?相反起喺西九,因西九已規劃主要作商業、酒店、文化用途,發展商要花大量金錢競投,價格搶高,亦未必投中,並不太化算,新界地則已買咗,可以喺補地價上同政府商量,而且即使補地價貴些少,但點都好過依家渣係手冇乜發展空間可言.

    d. 專業聯盟個報告,有個建議非常好笑:就係錦上高鐵站其中一個option竟然可以架空與西鐵站平排(佢地中文版報告冇顯示, 只有英文版)。如果架空,地底嘅高鐵要爬升,而錦上路北為大量漁塘,甚至有漁業研究站,係唔係要鏟走佢地?

    e. 高鐵運兵好多人都知,大陸軍演做埋出嚟俾人影,今晚吳志森節目中位聽眾仲以為發現新大陸咁。即使高鐵運兵嚟香港,有咩問題,依家冇解放軍咩? 運得兵來,一定發生重大保安問題,到時冇高鐵,d人反而話做咩國家冇能力保護香港人.

    f. 又係吳志森今晚同一節目,有條友打去話外國火車站一早唔用扇形站台, 我唔係火車迷,唔識呢d,但好奇怪,如果扇形站台唔興,咁點解專業聯盟又話佢地錦上路個設計係預咗。咁犯駁,主持居然冇發現??
    【明報專訊】對於公共專業聯盟找學者提出新的高鐵方案,運房局和港鐵迅速 … 有份設計方案的地理學者梁啟智說,方案已包括政府提及的扇形設計

    g. 每公里七億??
    大公網
    由公共專業聯盟成立的「新高鐵專家組」,昨日提出新高鐵工程方案,建議政府以隧道形式,建設高鐵 … 港鐵發言人認為,專家組低估港島快線的工程造價。發言人指出,由錦上興建延伸線至青衣,長度達十公里,以現今物價而言,「工程造價不只七十億元」, …

    政府刊憲,港島南線會係中型鐵路(頁1) – 鐵路討論- 香港討論區 .
    18 篇文章 – 10 位作者 – 上一則文章: 7月26日
    港島南線會係中型鐵路,係唔係等於馬鐵的規模? 定係會再細D, … 造價增至逾100億南港島線與現時港鐵車費結構一樣,全程7公里車費預計5至6元。 …14.29億/km

    地鐵西港島線預期2013年通車- 樓市動向- 親子王國
    4 篇文章 – 1 位作者
    全長3公里的西港島線,連接上環站、西營盤、大學至堅尼地城。 … 訊】連接上環至堅尼地城的地鐵西港島線,以及港島南區鐵路,造價較預期上升至少30億元,較原來預計多兩成。政府向立法會提交的資料顯示,西港島線成本由原先估計的60億至70億元,上升至80億元.26.67億/km

    明報財經網- 港鐵沙中線10年落成
    2009年4月11日 … 無緣,但這情况即將有改變,因港鐵(0066)的全新「沙中線」已經拍版興建;連接沙田至中環兩地的「沙中線」全長17公里,估計全線造價高達374億元。 …. 22億/km

    42億建觀塘延線油麻地至黃埔- 新聞世界- 香港新幻網- 打造和諧新社區
    1 篇文章 – 1 位作者 – 上一則文章: 2008年3月12日
    【明報專訊】政府同時公布,由港鐵興建42億元的觀塘線延線,由油麻地站延伸 … 觀塘線延線全長約3公里,預期於2011年動工、2015年通車,未來黃埔居民 …  14億/km

    高鐵香港段26km,以800億計係30.77億/km,係貴,但都貼近西港島線,但前者係快速重鐵。如純以價錢反高鐵者,請以同樣態度、時間、金錢(例如制作宣傳品)反西港島線,尤其係港島區嘅議員們,尤其係黎廣德公民黨嘅議員你哋敢嗎?

  5. Darren Lam permalink
    一月 9, 2010 9:51 上午

    西九龍..應該係未來三十年的最旺既地區..
    全港唯一的"城市地方"係未完全發展…
    西九文化直至大角咀..仲有好多好多地..
    (包括重建大角咀油麻地佐敦所有唐樓)
    十年後旺角重建完成..
    西九的填海..佐敦至富榮花園一段….

    以我估計..西九..
    20年後完全發展哂..
    係香港最旺的地方..
    其實本來香港最中心就係西九……

    而且…
    高鐵根本唔係主要俾香港市民用..
    主要係俾中國商家/遊客用..
    要佢地係元郎再轉出黎….
    咁不如坐飛機搭車出黎仲方便..

    依班人多數一落車就會轉私家車/的士/大巴..
    會唔會轉西鐵機鐵呢?
    轉返普通車後..車程計..
    30分鐘先出返尖咀旺角..
    50分鐘先出到中環..
    咁高鐵仲有意思咩?

    而係西九..
    尖咀旺角中環都係15分鐘內既事..
    香港大部份地方都係15-30分鐘內可以到達..
    (包括屯門元郎,大埔沙田,將軍澳觀塘,柴灣西環)

    佐敦塞車問題..預算入邊..
    其實係有十幾億用黎解除塞車問題..
    會起多條隊路..類似中環咁..

    依個問題其實一路都有..
    出開尖咀佐敦都知..遲早都要解決..
    宜家仲可以順便解決埋..

    商業區方面..
    90年代既好旺既尖東..
    其實宜家旺返廣東道個邊..
    遲下..會慢慢再過旺到西九龍..
    西九龍佐敦係集合五大鐵路之處..
    (高鐵/西鐵/荃灣線/東涌線/機鐵)
    去火車站羅湖線尖咀站都係十分鐘車程..

    (路過的人,全是小弟愚見,有錯勿插
    車程時間係由小弟在佐敦的物流公司十年來經驗所得.)

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: